Tuesday, 23 August 2016 11:38

မြန်မာနိုင်ငံရဲ့ ကုန်သွယ်မှု လျင်မြန်စွာ တိုးတက်လာပြီး အလားအလာ အားကောင်းနေ

Written by
Rate this item
(0 votes)

မြန်မာနိုင်ငံရဲ့ ကုန်သွယ်မှုဟာ လျင်မြန်စွာတိုးတက်လာနေပြီးနောက်ထပ် တိုးတက်လာမယ့် အလားအလာများအားကောင်းလျက်ရှိတယ်လို့ ကမ္ဘာ့ဘဏ်ရဲ့ မြန်မာနိုင်ငံကုန်သွယ်မှု ဘက်စုံ လေ့လာ ဆန်းစစ်ခြင်း အစီရင်ခံစာမှာဖော်ပြထားပါတယ်။

 


မြန်မာနိုင်ငံမှာ ကုန်သွယ်မှုနဲ့ ရင်းနှီးမြှုပ်နှံမှု တိုးတက်ဖွံ့ဖြိုးလာခြင်းကြောင့် ပျမ်းမျှစီးပွားရေး တိုးတက်မှုနှုန်းမှာ တစ်နှစ်ကို ၇ ရာခိုင်နှုန်းအထက် တွန်းတင်ပေးနိုင်ခဲ့ပါတယ်။

လက်ရှိမှာတော့ မြန်မာနိုင်ငံရဲ့ ကုန်သွယ်မှုပမာဏဟာတခြားအာဆီယံနိုင်ငံတွေနရဲ့ ပျမ်းမျှပမာဏအောက်မှာနောက်ကျကျန်နေဆဲ ဖြစ်ပါတယ်။

ကမ္ဘာ့ဂျီဒီပီရဲ့ ၁၆ ရာခိုင်နှုန်းနဲ့ ကမ္ဘာ့လူဦးရေရဲ့ ၄၀ ရာခိုင်နှုန်းအထိ ရှိတဲ့ နိုင်ငံတွေနဲ့ မြန်မာနိုင်ငံက နယ်နိမိတ်ချင်း ထိစပ်ထားခြင်းကြောင့် အပြန်အလှန်ကုန်သွယ်မှုများတိုးတက်လာခြင်းနဲ့ အခွင့်အရေးများကို ဖန်တီးပေးထားလျက်ရှိပါတယ်။

ကုန်သွယ်မှုဖွံ့ဖြိုးတိုးတက်ရေးအတွက် မြန်မာနိုင်ငံအနေနဲ့ပြုပြင်ပြောင်းလဲရေးလုပ်ငန်းများကို ဆက်လက် ဆောင်ရွက် သွားရမှာဖြစ်ပြီး လွတ်လပ်သော ကုန်သွယ်မှုကို အားပေးတဲ့ပြုပြင်ပြောင်းလဲမှုများကို လုပ်ဆောင်ခြင်းဟာ ကုန်သွယ်ရေးကဏ္ဍ စရိတ်များကို လျော့ကျအောင်အထောက်အကူပြုစေမှာဖြစ်တယ်လို့ ကမ္ဘာ့ဘဏ်က တွေ့ရှိသုံးသပ်ထားပါတယ်။

အပေါ့စားကုန်ထုတ်လုပ်ခြင်း၊ ၀န်ဆောင်မှုနဲ့ ရေရှည်တည်တံတဲ့လယ်ယာစီးပွားရေးကဏ္ဍများကို တိုးချဲ့ လုပ်ကိုင်ခြင်းဟာ ဆင်းရဲမှု လျှော့ချရေးအတွက် အလွန်အားကောင်းစေတဲ့နည်းလမ်းတစ်ခုဖြစ်လာနိုင်ပြီး ခရီးသွားလုပ်ငန်းကဏ္ဍကိုဖွံ့ဖြိုးအောင်လုပ်ခြင်းကြောင့် ကျေးလက်ဒေသ အလုပ်အကိုင်များနဲ့ ၀င်ငွေများကို ဖန်တီးပေးနိုင်လိမ့်မယ်လို့ ဆိုပါတယ်။

မြန်မာနိုင်ငံရဲ့ ကမ္ဘာလှည့်ခရီးသွားလုပ်ငန်းကဏ္ဍဟာ၂၀၀၉ နဲ့ ၂၀၁၅ နှစ်များအတွင်း နှစ်စဉ်ပျမ်းမျှ တိုးတက်မှုနှုန်း၃၅ ရာခိုင်နှုန်းအထိ ရှိခဲ့ပါတယ်။

အခြေခံအဆောက်အအုံဖွံ့ဖြိုးတိုးတက်မှုက ပုဂ္ဂလိကကဏ္ဍတိုးတက်မှုနဲ့ အတူတကွ ဖြစ်ထွန်းလာနိုင်တယ်လို့ သုံးသပ်မှုပြုထားပါတယ်။ လက်ရှိမှာ တော့ မြန်မာနိုင်ငံဟာလျှပ်စစ်ဓာတ်အား ရရှိမှုမှာ ဒေသတွင်း နိုင်ငံများ ထက်နိမ့်ပါးလျက်ရှိသလို ထောက်ပံပို့ဆောင်ရေးအခြေခံအဆောက်အအုံကလည်း အရှေ့တောင် အာရှနိုင်ငံများထဲမှာ အနိမ့်ဆုံးဖြစ်လျက်ရှိပါတယ်

ကုန်သွယ်ှုကဏ္ဍပိုမို ဖွံ့ဖြိုးလာရေးအတွက် ကုန်သွယ်ရေးမူဝါဒဆိုင်ရာစည်းမျဉ်းစည်းကမ်းများကို အလုံးစုံ ပြောင်းလဲပစ်ရန်၊ ပို့ကုန်ဦးစားပေးတိုးတက်မှု ရရှိအောင်လုပ်ဆောင်ရန်၊မန်မာထွက်ကုန်များအတွက် အရည်အသွေးပိုင်းအားကောင်းတဲယန္တရားတစ်ခုတည်ထောင်ရန်၊ ၀န်ဆောင်မှုကဏ္ဍရှိ ကုန်သွယ်မှု တိုးတက်အောင် အားပေးရန်၊ ထိရောက်တဲ့ ကုန်သွယ်ရေးစင်္ကြန်များဖော်ထုတ်ရန်၊ ပိုမို ကောင်းမွန်တဲ့ ပို့ဆောင်ရေးနဲ့ ဘဏ္ဍရေးတို့နဲ့ ကုန်သွယ်မှုတိုးတက်အောင်ဆောင်ရွက်ရန် ကမ္ဘာ့ဘဏ်ကအကြံပြု ထားပါတယ်။
Credit To >>>SFJ Strategy First Journal 

Read 2264 times